Imana ni yo buhungiro bwacu ni imbaraga zacu, ni umufasha utabura kuboneka mu byago no mu makuba (Zaburi 46:2)

nk’ uko dusanzwe tubagezaho ijambo ry’ Imana, kuri uyu munsi twabateguriye irigira riti: "Imana ni yo buhungiro bwacu ni imbaraga zacu, ni umufasha utabura kuboneka mu byago no mu makuba rikaba riboneka muri Zaburi 46:2

Turi kubaho mu gihe kitadushishikariza gutegura

ejo hazaza gusa, ahubwo no kwitegura guhangana n’ impinduka zose.

Twubaka amazu twita cyane mu buryo bwo kuturinda impanuka zazabaho nyuma; nko gushya n’ ibindi… , dushora imari mu mishinga kandi tukayishinganisha twirinda impanuka zose zazabaho.

Kandi twita cyane ku buzima bwacu dukora, siporo kugirango tugire amagara mazima, dukorera amafaranga kandi tukazigamira ejo hazaza mu busaza.

Muri ibi byose nta kimwe kibi kibirimo ni byiza cyane gutekereza ejo hazaza, uretse ko gusa ibyiringiro byacu dushobora kubishingira muri ibyo twavuze haruguru aho gushingira mu Mana .

Ni nde cyangwa ni iki wishingirijeho ubu cyangwa ejo hazaza? Ni he ushahakira imbaraga? Ni nde cyangwa ni iki gituma uryama ugasinzira mu mahoro? Abenshi muri twe dukeneye kwiga icyo umunyazaburi yavugaga ariko dushobora kwakira uku kuri gusa ari uko twiyumvamo ubukene mu buryo bw’ umwuka.

Mbere na mbere amahoro n’ ubuhungiro ntibibonekera mu mitamenwa, ahubwo bibonekera mu Mana gusa, kandi ahantu twakura umutekano wuzuye ni mu Mana gusa.

Icya kabiri, niwe buhungiro bwacu, ntabwo ari azaba cyangwa ashobora kuba yaba ubuhungiro, ahubwo niwe ubuhungiro bwacu nonaha kandi igihe cyose. Imana ntijya iba kure yacu cyangwa ngo iduhane. Irikumwe natwe.

Icya gatatu, Imana ni ubuhungiro bwacu wowe nanjye, dushobora kuvuga ngo Imana ni ubuhungiro bwacu.

Imana ni yo buhungiro bwacu n’ imbaraga zacu. Ese niyo buhungiro bwawe? ni imbaraga zawe ? Ibintu wakwishingikirizaho bitari Imana, ese ejo ubitakaje urumva wabyitwaramo ute?

 Ese utakaje ibyawe byose ejo Imana yasigara ari ubuhungiro bwawe ndetse ni mbaraga zawe ?

posted by Evariste MUGERWA